تزکیہ مہم 20 تا 29 جنوری

دس روزہ ریاست تزکیہ مہم 

بعنوان" اور تم میں ہر شخص یہ دیکھے کہ اس نے کل کے لئے کیا سامان کیا ہے ۔ " 

               قسط 1
السلام علیکم و رحمتہ اللہ و برکاتہ ۔
محترم رفقائے تنظیم ۔امید کہ خیروغافیت سے ہونگے اور نئی میقات کی منصوبہ بندی میں مصروف عمل ہونگے ۔عزیز ساتھیو ! اللہ تعالی کا ارشاد ہیکہ ۔" بیشک نماز تمام برائیوں اور بے حیائیوں سے روکتی ہے ۔ "عزیز ساتھیو ! وابستگان تنظیم کی تربیت کے مقصد کے تحت ایس آئی او کرناٹک زون ریاستی سطح پر دس روزہ مہم بعنوان" اور تم میں ہر شخص یہ دیکھے کہ اس نے کل ( آخرت ) کے لئے کیا سامان کیا ہے ۔ "منارہی ہے جس کا آغاز گذشتہ کل یعنی 20 جنوری سے ہوچکا ہے ۔ 
مہم کے دوران وابستگان کو چند انفرادی اور اجتماعی سرگرمیاں انجام دینا ہے ۔انفرادی سرگرمیوں کی تفصیلات ملاحظہ ہو جنہیں مہم کے دوران انجام دینا لازمی ہے اور مہم کے بعد ان سرگرمیوں کو تسلسل کے ساتھ اپنی زندگیوں میں ادا کرتے رہنا ہے ۔
نماز ۔تمام وابستگان خصوصاً ممبران کے لئے لازمی ہوگا کہ وہ پنچ وقتہ نمازوں کی پابندی تکبیر اولیٰ کے ساتھ کریں ۔ سنت و نوافل کا اہتمام بھی کریں ۔ اس بات کی بھی کوشش کی جائے کہ ہفتہ میں کم از کم ایک مرتبہ تہجد کا بھی اہتمام ہو ۔عزیز ساتھیو ! نماز کے متعلق قرآن مجید میں فرمایا گیاہیکہ" نماز تو مومنوں پر وقت کی پابندی کے ساتھ فرض کی گئ ہے ۔ "احادیث میں بھی نماز کی بڑی اہمیت رسول اللہ ﷺ نے بیان کرتے ہوئے فرمایا ہے" نماز مومن اور کافر کے درمیان فرق کرنیوالی چیز ہے ۔ "" قیامت کے روز سب سے پہلے نماز ہی کے بارے میں پوچھا جائیگا ۔ "" نماز مومن کی معراج۔ہے ۔ "" نماز دین کا ستون ہے ۔ "اور سب اہم بات کہ رسول اللہ ﷺ نے نماز کو اپنے آنکھوں کی ٹھنڈک کہا ہے ۔
عزیز ساتھو ! ہمیں اس بات پر اللہ تعالی کا بے انتہا شکر بجالانا چاہیئے کہ اس نے ہمیں ایک صالح اجتماعیت سے جوڑا ہے جو نہ صرف تعلیم اور طلباء سے مسائل حل کرنے کےلئے کوشاں ہے بلکہ اپنے وابستگان کا تزکیہ و تربیت کی جانب بھی فکرمند اور کوشاں ہے ۔انشاء اللہ اگلی قسط میں دیگر سرگرمیوں کے متعلق بیان کیاجائیگا ۔جاری .....محمد یٰسین امین ۔